Нарық үрдістері туралы
Қазіргі кезде Ресейдегі курьерлік қызметтер нарығы шетелдік жедел жеткізу нарығының ең ірі операторлары мен ресейлік компаниялардың осы салада қызмет атқаруымен сипатталады. РФ аумағында жедел жеткізумен айналысатын жетекші он компанияның үлесіне нарықтың 70-80% пайызы келеді. Нарықтың қалған бөлігін жергілікті деңгейде қызмет атқаратын көптеген шағын компаниялар өзара бөлісіп алған. Соңғы жылдары нарықтағы күштердің қайта бөліну үрдісі байқалады – әртүрлі бағалаулар бойынша Ресейдегі курьерлік жеткізілім нарығындағы жалпы үлесі 30–35%-ды құрайтын «үлкен төрттікке» (DHL, TNT, UPS, FedEx) кіретін «батыстықтарды» отандық компаниялар айтарлықтай ығыстыруда. Бұл орайда батыстық ойыншылар халықаралық тасымал сегментінде әлі де көшбасшы болып отырғанымен, мемлекеттік тапсырыстарды қосқанда,Ресейдің ішкі тасымалдар нарығында ресейлік компаниялар жетекші орынды иеленіп отыр.
Ресейлік қызмет көрсетуде клиенттердің 30%-ын B2C сегмент (жеке меншік сектор) құрап отыр, шетелдік тасымалдаушылар көбінесе В2В сегментіне (іскерлік секторға) қызмет көрсетуде, және де олардың портфелінде бұл сектордың үлесі 90%-ға жуықты құрайды.
Әртүрлі көздердің деректері бойынша Ресей нарығының жыл сайынғы өсімі шамамен жылына 18–35%-ды құрайды. Жуырдағы жылдары бұл үрдіс сақталып қалады. Курьерлік қызметтер нарығының қарқындап өсуі РФ-дағы жалпы экономикалық даму көрсеткіштерімен ғана емес, B2С сегментінде жедел жеткізу қызметіне сұраным көрсеткіштерінің өсуімен де шартталады.
Жуық арада көбінесе ресейлік операторлар жеке меншік клиенттер үшін күресті күшейте түспек. Бүгіннің өзінде тасымалдардың негізгі үлесі — шамамен 70%-ы B2B сегментіне түсіп отыр. Сарапшылардың болжамдарыға жүгінсек, нарық B2C сегментінің ұлғаюы есебінен дамитын болады. Жедел жеткізу нарығын өркендетудің аса маңызды факторларының бірі B2C сегментін дамыту болып табылады. 2010–2011 жж. бөлшек сауданың негізгі сегменттерінің қалпына келтірілуі арқасында көпшілік сұранымға ие тауарлардың жедел жеткізілімдер көлемінде елеулі үлесті иеленді. Нарықтың B2C сегменті саласына қарай өзгеруінің бірден-бір себебі — интернет-орта мен қашықтықтан сауда жасаудың қарқындап дамуы, сондай-ақ жалпы халықтың әл-ауқатының жақсаруы. Бүгінгі күні ресейлік экспресс-операторлар B2C секторын дамытуды көздеп, интернет-дүкендерге өз қызметін белсенді түрде ұсынуда, ірі халықаралық компаниялар бұрынғысынша көбінесе корпоративтік клиенттерге көңіл бөледі.
Қорытындылай келе, Ресейдің курьерлік және жүк жеткізу қызметтері нарығы төменде аталған бірқатар факторлардың арқасында қарқынды даму үстінде деп сенімді түрде айтуға болады:
- Клиенттердің сенім деңгейінің артуы жеткізу қызметтерінің сапасы меналуан түрлілігімен түсіндіріледі.
- Интернет-сауданың және ірі сауда желілерінің дамуы есебінен жеке тұлғалардың жеткізу қызметтеріне сұранымының артуы.
- жеткізу желісін құру; бәсекелік артықшылықтарды иелену;
- тиімді сатылымдар жүйесін құру;
- жеткізілімнің жоғары сапасын қамтамасыз ететін қызмет көрсету технологияларын әзірлеу;
- логистика бағдарламалары мен корпоративтік қызмет көрсету бағдарламаларын дамыту; өзгерістер жағдайында жаңа қызметтерді енгізу.
